"Борнмут" клуби "Челси" дарвозабони Жорже Петрович билан шартнома имзолаганидан хурсанд.
Сербиялик футболчи 5 йиллик келишув асосида "гилослар" сафини тўлдирди ва клубнинг Қўшма Штатлардаги мавсумолди сафари олдидан жамоага қўшилади", – дейилади АПЛ клуби хабарида.
Англия Премьер-лигасида 23 ўйинда майдонга тушган Петрович 2024/25 йилги мавсум ижара асосида Лига 1нинг "Страсбур" жамоасида ҳаракат қилди.
25 ёшли футболчи жамоа 7-ўринни эгаллаб, УEФА Конференциялар Лигасига йўл олишида муҳим роль ўйнади, мавсумнинг энг яхши ўйинчиси совринини қўлга киритди ва Лига 1да мавсумнинг энг яхши дарвозабони деб топилди.
