Чеченистон раҳбарияти "Ахмат" ўйинига келмаган талаба ва ректорларни ҳайдаб юбормоқчи

Грознийдаги талабаларнинг сўзларига кўра, ўйинга тушмаган ўқувчи ва ректорлар ҳайдалиши мумкин.

14 сентябрь куни, "Спартак" "Ахмат"ни мағлуб этган баҳсдан бир кун ўтиб Чеченистон раҳбарияти вакили Ченченистон давлат университетида (ЧДУ) йиғилиш ўтказган.

"Вакил учрашувда мухлислар айниқса ЧДУдан одам кам келганини айтди.

У ватанпарварлик йўқлигини айтиб, баҳсга бормаганларнинг рўйхатини сўраган.

Шундай иш яна такрорларса ректор ишдан ҳайдалиши мумкин" - дейди ЧДУ талабаси.

"30 октябрь куни "Ахмат-Арена"да жамоамиз ва Анжи ўртасида баҳс бўлиб ўтади. Ҳамма бориши керак экан ўйинга.

Акс ҳолда жуда катта муаммолар бўлишини айтишди" - дейди йиғилишнинг яна бир иштирокчиси.

"Ҳар бир университет, техникумга алоҳида сектор ва белгиланган миқдорда жой ажратилади. Шаҳар мэриясида жойлаб бўлиб берилади. Қайси таълим муассасасидан одам кам келганини билиш учун секторга назар ташлашнинг ўзи етарли.

"Ахмат-Арена" ўз бағрига 30 минг кишини сиғдира олади, шундай экан бошқа ташкилотлар ҳам одам ажратиши керак" - дейди Чеченистон таълим вазирлиги ходими Воҳид.