"Championat.asia" Тошкент вилояти футбол федерацияси билан ҳамкорлик қилади
03 май 2016 17:03
Янгиликлар

"Championat.asia" Тошкент вилояти футбол федерацияси билан ҳамкорлик қилади

Теглар : Championat.asia Тошкент вилояти

Ўзбек футболининг барча бўғинларини имкон қадар батафсил ёритишга ҳаракат қилаётган сайтимиз бу борада яна бир муҳим қадамни ташлади.

"CА" бундан буён Тошкент вилояти футбол федерацияси билан ҳамкорлик қилади. 70-йилларда "Пахтакор" либосида тўп тепган Шамил Яфаров раҳбарлик қилаётган мазкур ташкилот пойтахт вилоятида оммавий футболни ривожлантириш борасида салмоқли ишларни амалга оширмоқда. Хусусан, бугунги кунда вилоят миқиёсида футзалдан тортиб, болалар ва фахрийлар лигаси ҳамда чемпионат (2-лига), кубок мусобақаси мунтазам равишда ўтказиб келинмоқда. Қолаверса, ҳар ойда бир марта турли ёшдаги болалар учун қатор турнирлар ҳам йўлга қўйилган. 27 йилдан буён ўтказиб келинадиган "Ҳамюртлар Кубоги", яъни марҳум "пахтакорчилар" Олим Аширов, Владимир Фёдоров ва Михаил Ан хотирасига ташкил қилинган мусобақа карнавал даражасига кўтарилган.

Сайтимиз энди Тошкент вилояти футбол федерацияси ўтказадиган ҳар бир турнирнинг натижаларини тезкорлик билан батафсил тарзда ёритиб боришга ҳаракат қилади.