Бугун "Реал" - "Атлетико" учрашуви бўлиб ўтади

"Реал" ушбу учрашувда Чемпионлар лигаси, "Атлетико" эса Европа лигаси ғолиби сифатида иштирок этади. Ўйин Тошкент вақти билан 00:00да старт олади. Учрашув Эстония пойтахти Таллин шаҳридаги "А. Ле Кок Арена"да бўлиб ўтади.

"Реал" ҳамда "Атлетико" УЕФА Суперкубогининг 43-совринини ютиб олишлари мумкин. УЕФА Суперкубоги турнири 1971 йилда De Telegraaf муҳбири Антон Виткамп томонидан яратилган. Ушбу турнирнинг амалдаги ғолиби "Реал". УЕФА Суперкубогида ғолиб чиқиш бўйича энг яхши натижа "Барселона" ва "Милан"га тегишли. Улар 5 мартадан ушбу совринни боши узра кўтаришган. Бугунги иштирокчилар - "Реал" 4 марта, "Атлетико" эса 2 марта УЕФА Суперкубоги соҳибига айланишган.

УЕФА Суперкубоги

00:00. "Реал" - "Атлетико" (Матч! Футбол 1, Футбол ТВ, Узрепорт)