Бугун футбол. "Қизилқум" - "Бунёдкор"

Бугун Навоийда қизиқарли баҳс кечиши кутилмоқда. "Қизилқум" ўтган турда "Сўғдиёна"ни сафарда мағлуб этиб қайтган бўлса, "Бунёдкор" ўз майдонида "Бухоро"дан устун келди.

Мусобақа жадвалида "Бунёдкор" 10 очко билан биринчи ўринда боряпти. "Қизилқум" эса ҳозирча уч очко жамғарган ва 10-ўринни эгаллаб турибди. 

Факт: "Қизилқум" мавсумни кетма-кет учта мағлубият билан бошлади. Жамоа ўз майдонида "Локомотив", "Қўқон-1912" ва "Насаф"га ютқазиб қўйди. 

Биласизми? "Қизилқум" уйдаги баҳсларда фақат бир марта тўп кирита олди. Гол муаллифи: Андрей Сидоров. Қолаверса, "Қизилқум" Суперлигада энг кўп гол ўтказиб юборган иккита жамоадан бири бўлиб турибди. Яна бири - "Сўғдиёна". Иккала жамоа ҳам ўз дарвозасидан 8та тўп ўтказиб юборди. 

"Қизилқум" ҳужумчиси Элгужа Григалашвили ўтган турда "Сўғдиёна" дарвозасига учта гол уриб, Суперлигадаги илк хет-трик муаллифи бўлди. 

Факт: "Бунёдкор" ҳозирча мағлуб бўлгани йўқ. Жамоа ҳисобида учта ғалаба ва битта дуранг бор. 

Биласизми? "Бунёдкор" охирги учта ўйинни ғалаба билан якунлади. Миржалол Қосимов шогирдлари уйда "Пахтакор" ва "Бухоро", сафарда "Нефтчи"ни мағлубиятга учратишди. Бундан ташқари, "Бунёдкор" ҳозирча сафарда гол ўтказгани йўқ.