UZ

Сўнгги янгиликлар

23:02"Навбаҳор" - "Қизилқум" 1:0. Гол ва хавфли вазиятларни томоша қилинг  0 22:54"Пахтакор" - АГМК 2:2. Барча голлар ва хавфли вазиятларни томоша қилинг  1 22:52Миржалол Қосимов: "Замонавий футболни туриб ўйнаб бўлмайди"  6 22:31"Навбаҳор" - "Қизилқум" учрашувидаги белгиланган пенальти бормиди?   54 21:53Coca Cola Суперлигаси. "Пахтакор" - АГМК учрашуви жанговар дуранг билан якунланди  323 21:52Coca Cola Суперлигаси. "Навбаҳор" ўз уйида "Қизилқум"ни мағлуб этди  78 21:48Брозович жаримага тортилди  0 21:22Бартомеу: "Сўнгги 11 йилда Ла Лигани 8 марта ютдик"  24 21:04Беларусь. Футболчилардан бирининг жинсини текшириш сўралди  14 20:43Сане "Бавария"да машғулот ўтказди  12 20:24А Серия. Июнь ойининг энг яхши ўйинчиси маълум бўлди  6 20:20U-21 Биринчилиги. "Локомотив"да яна дуранг, "Насаф"дан йирик ғалаба  6 20:12"Бунёдкор": Футболчимизнинг ҳолати барқарор  8 19:53"Челси" раҳбарияти жамоанинг ҳужум чизиғини сербиялик футболчи билан кучайтирмоқчи  9 19:34Роналду "Ювентус"дан кетиш ҳақида ўйламаяпти  10

Бугун футбол. АГМК - "Насаф" Янгиликлар

Бугун футбол. АГМК - "Насаф"

Бугун Coca Cola Суперлигасининг 21-турига старт берилади.

Турнир жадвалида 11-ўринни эгаллаб турган АГМК ўз майдонида Қаршининг "Насаф" клубини қабул қилади. "Насаф" ҳозирда 28 очко билан 6-ўринда боряпти. АГМК ҳисобида эса 19 очко мавжуд. 

Бугун Олмалиқда ўзига яраша қизиқ беллашув кечиши кутиляпти. Негаки ўтган турда иккала жамоа ҳам мағлубиятга учради. Шу боис бугун томонлар уч очко учун ҳаракат қилишади. АГМК аввалги тур "Сурхон" меҳмони бўлиб 0:1 ҳисобида ютқазиб қайтган бўлса, "Насаф" ўз майдонида "Бухоро"га имкониятни бой бериб қўйди. 

Табиийки "Насаф"нинг мағлубияти кутилмаган бўлди, аммо бухороликлар иккита чиройли гол урганини ҳам унутмаслик керак. Умуман олганда ҳозирги АГМК билан "Насаф"га тушуниб бўлмаяпти. Чунки иккала жамоа ҳам барқарор ўйин кўрсата олмаяпти. Масалан, АГМК иккинчи давра бошланганидан бери фақат иккита беллашувда ғалаба қозонди. 

Олмалиқликлар сафарда "Навбаҳор"ни мағлуб этиб қайтгач, кетма-кет иккита мағлубиятни қабул қилиб олишди. Шундан кейин жамоа ўз майдонида "Динамо" устидан зафар қучиб ўтган тур Термизда имкониятни бой берди. 

"Насаф" ҳам иккинчи даврада фақат икки бор ютуққа эришди. Рўзиқул Бердиев шогирдлари сафарда "Сурхон"ни ва уйда "Бунёдкор"ни мағлуб этишган. Шундан бери жамоа тўртта ўйин ўтказиб, бирортасини юта олмади. "Насаф" охирги 4 учрашувнинг учтасида мағлуб бўлиб, бир бор дуранг ўйнади. 

Олмалиқда кечган охирги 5 учрашув:

2018. Иккинчи босқич. АГМК - "Насаф" 0:2

2018. Биринчи босқич. АГМК - "Насаф" 0:0

2017. АГМК - "Насаф" 1:0 

2016. АГМК - "Насаф" 1:3 

2015. АГМК - "Насаф" 2:0 

Олмалиқда бўлиб ўтган охирги беш учрашувнинг иккитасида майдон эгалари зафар қучган. Яна иккита баҳсда "Насаф"нинг қўли баланд келган ва бир учрашув дуранг натижа билан якун топган. Бугунги беллашувда эса имкониятлар тенг баҳоланмоқда.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг