Бу қизиқ! Португалия клуби Европа лигаси учрашувини европалик футболчисиз бошлади
16 сен 2017 11:02
Янгиликлар

Бу қизиқ! Португалия клуби Европа лигаси учрашувини европалик футболчисиз бошлади

Европа лигаси "I" гуруҳи 1-туридан ўрин олган "Витория Гимараэш" (Португалия) ва "Ред Булл" (Австрия) учрашуви деярли ҳеч ким учун қизиқ бўлмаса керак.

Аммо айнан шу ўйинда еврокубоклар учун энг ғаройиб ҳодиса рўй берди: Португалия клубининг асосий таркибидан биронта европалик футболчи ўрин олмади!

4 бразилиялик, 2 колумбиялик, венесуэлалик, ивуарлик, перулик, ганалик ва уругвайлик.

Ўйин 1:1 ҳисоби билан якунига етди. Қизиғи «Ред Булл» сафида атига 3 нафар австриялик футболчи ўйнади. Бу баҳсда жами дунёнинг 17 мамлакати футболчилари иштирок этишди. Нима ҳам дердик, замонавий Европа лигаси.