Мазкур иш билан Adidas ҳамкори ҳисобланган Покистоннинг Forward Sports компанияси шуғулланяпти.
Нима учун айнан Покистон? Чунки футбол соҳасида мазкур давлат бирор-бир ютуқлари билан мақтана олмайди. Аммо бу мамлакат Британия империясининг собиқ колонияси эканлиги унутмаслик лозим.
Афсоналарга кўра, ўтган аср бошларида Панжобда хизмат қилаётган зобитлар футбол ўйнашга қарор қилишган, аммо ўйин вақтида уларнинг коптоги тешилиб қолган. Улар маҳаллий этикдўздан коптокни тикиб беришни илтимос қилишган ва у мамнуният билан буни уддалаган.
Шундан сўнг ўша этикдўз ишлаб чиқаришни ўзгартиришга қарор қилиб, ўзининг хусусий футбол коптокларини ишлаб чиқаришни бошлаган экан. Бу тадбиркорлик ўз самарасини берган: ҳозирги кунда битта Силякотдаги фабриканинг ўзида бир йилда 70 миллион дона копток ишлаб чиқарилади ва дунё мамлакатларига экспорт қилинади.
