"Боруссия" Дортмунд ҳали Беллингем учун бирор расмий таклиф олгани йўқ

"Челси", "Ливерпуль", "Манчестер Сити" ва "Манчестер Юнайтед" билан рақобат шароитида "Реал" 19 ёшли ярим ҳимоячи учун 100 млн евролик таклиф тайёрламоқда. Бироқ ҳозиргача томонларнинг ҳеч бири расмий қизиқиш билдирмагани очиқланди.

Клуб спорт директорининг манбага очиқлашича: "У ва унинг ота-онаси билан вақти келса гаплашамиз. Бироқ ҳозирча ҳеч қандай босим йўқ. Жуд бор эътиборини футболга қаратмоқчи. Айтганча, таклифлар умуман йўқ".

Жейдон Санчо ва Эрлинг Ҳоланд иккиси охирги икки мавсумда катта трансфер келишуви асосида Дортмунд клубини тарк этиб мос равишда "Манчестер Юнайтед" ва "Манчестер Сити" сафига бориб қўшилди. Клуб спорт директорининг тан олишича, Жуд Беллингемни ҳам шундай тақдир кутмоқда: 

"Санчо ёки Ҳоланд каби муҳим ўйинчилар маълум бир нуқтага келганда жамоани тарк этди. Бу биз билан ҳар доим содир бўлиши мумкин, буни биламиз. Агар ва қачон Жуд билан шундай ишлар содир бўлади, мен буни бугун айта олмайман. Соф спортча нуқтаи назардан менинг Жуд Беллингемдан воз кечишни исташим аҳмоқлик бўлган бўларди".