Биринчи лиганинг 5 та жамоасида умумий иш фаолияти ўрганилди

Шу асосда жамоалар «Биринчи лига регламенти»нинг 6-бобида қайд этилган Биринчилик кубогига қўйилиши кўзда тутилган. Бироқ регламентнинг 5-боби асосида ўтказилган мусобақа якунига этгунига қадар Янгийўл ҳамда Нурафшон жамоалари қатнашчилар сафидан чиқишга улгурди. Шунингдек, молиявий-хўжалик фаолиятини белгиланган тартибда юритмаётган Биринчи лига жамоалари мавжуд экани юзасидан Лигада маълумотлар тўпланган. 

Шундан келиб чиқиб, тақвим бўйича 7-8 октябрь кунлари старт олиши лозим бўлган Биринчилик кубоги мусобақасининг санаси, мусобақа иштирокчилари таркиби ва ўз-ўзидан унинг форматида ўзгаришлар бўлиши катта эҳтимол. Лига Биринчи лиганинг барча жамоаларини мониторингдан ўтказгач, унинг хулосаларини ЎФА билан муҳокама қилади ҳамда бу борада якуний қарорга келади. Шу асосда ўзгаришлар юзасидан батафсил маълумот тақдим этилади. 

Лига мутахассислари ҳозирга қадар Янгиер, Жиззах, Зомин, Шаҳрихончи, Цементчи, Қумқўрғон-1977 каби жамоалар фаолияти билан танишиб чиқди. Эндиликда Тошкент, Нукус ҳамда Ангрен жамоаларида ўрганиш ишлари амалга оширилади ҳамда якуний хулосалар ЎФА билан муҳокама қилинади. Батафсил маълумот алоҳида эълон қилинади.