"Бир ўйиннинг баҳоси". Суперлигада қайси ҳакам қанча ишлади?

Футболдаги коррупцияда ҳакамларнинг иштироки ҳақида гап кетса, кўпинча уларнинг маоши камлиги рўкач қилиб кўрсатилади. Хўш, аслида ҳам шундайми?

Хайрулла Холиқов 24 февраль куни “Янги регламентдаги янгиликлар” ҳақида ёза туриб, 2021 йилги мусобақалар учун рефериларнинг иш ҳақи қанчалиги тўғрисида маълумот кўрсатилмаганини айтганди. Бугун шунга ойдинлик киритишга қарор қилдик.

“Championat.asia” маълумотларига кўра, ҳакамларга 1 ўйин учун тўланадиган меҳнат ҳақи миқдори жорий йилда ўтган мавсумга нисбатан кўтарилган. 2020 йилги ҳолат бўйича бош ҳакамларга битта ўйин учун 3 млн сўм тўланар эди (Суперлига ўйинларига). 2021 йилда бу кўрсаткич 3,5 млн.га баландлаган.

Лекин, ҳакамлар ҳар доим ҳам учрашувларга тайинланаверишмайди. Масалан, Суперлиганинг жорий мавсумига тўхталамиз. Чемпионатнинг 3 та тури ортда қолди. Бу ҳар турда 7 тадан, умумий 21 та ўйин дегани. Мазкур баҳсларда ўзбек ҳакамларидан 11 нафари бош ҳакам сифатида ишлади. Фақатгина Илгиз Танташев уччала турнинг барчасида ишлашга муваффақ бўлган. Демак, бухоролик 36 ёшли ҳакам 10-18 март оралиғида бошқарган 3 ўйини орқали 10 миллион 500 минг сўм ишлаб топган.

Баъзилар иккитадан, баъзилар эса фақат бир ўйинни бошқариб борган бўлса, айрим ҳакамлар янги мавсумда ҳозирча дебют қилишгани йўқ. Суперлиганинг дастлабки турларида ишлаган бош ҳакамлар рўйхати билан қуйидаги жадвалда танишишингиз мумкин.

Шунингдек, лайнсменлар, заҳира ҳамда ВАРда ишлайдиган ҳакамларнинг иш ҳақи бош ҳакамникига нисбатан камроқ бўлади...

Қадрли мухлис, юқорида маълумотлар билан танишдингиз. Нима деб ўйлайсиз, рефериларга тўланаётган сумма уларнинг қарор чиқаришда беғараз бўлишлари, ташқи таъсирларга берилмасликлари учун етарлими?