Мусобақада 11 та жамоа иштирок этди. Дастлабки босқич уч гуруҳда давравий тизимда олиб борилди. Ўз навбатида гуруҳ ғолиблари – “Спартак”(Урганч шаҳри), “Бинокор”(СЎЕАИБЎСМ), “Гурлан” (Гурлан тумани) ҳамда иккинчи ўринни эгаллаган жамоалар орасида энг яхши кўрсаткичга эга бўлган “Junior”(Урганч шаҳри) жамоалари ярим финал иштирокчисига айланди.
Ярим финалда “Бинокор” жамоаси “Гурлан”ни 4:0, “Спартак” дамоаси “Junior”ни 2:0 ҳисобида мағлубиятга учратди. Натижада, финалда “Бинокор” (тренери Шоҳруҳ Яқубов) ва “Спартак” (тренери Маркс Қурамбоев) жамоалари рўпара келди. Қизиқарли кечган ўйинда “Бинокор”нинг ёш футболчилари 2:0 ҳисобида ғалаба қозониб, очиқ биринчилик ғолиби бўлишди.
Мусобақанинг ёпилиш маросимида ғолиб ва совриндор ёш “чарм тўп” усталари ташкилотчилар томонидан тақдирланишди.
Икром ХУДОЙБЕРГАНОВ, Урганч шаҳридан.
