Биласизми?
01 ноя 2016 14:49
Янгиликлар

Биласизми?

Германия Бундеслигасида шов-шув кўтараётган дебютант "РБ Лейпциг" клуби раҳбарияти ва мураббийлар штаби ўз футболчиларига ғалати, аммо жиддий шарт қўйган.

"Лейпциг" футболчиларига жамоа бош мураббийи ҳамда раҳбарият "FIFA17" футбол симуляторида фақат ва фақат ўз жамоалари, яъни "Лейпциг"ни танлаб ўйнаш шартини қўйган. Футболчилар ким билан куч синашишларидан қатъи назар "Лейпциг"ни танлаб ўйнашлари мумкин. Бундан кўзланган мақсад эса, жамоа футболчиларига "Лейпциг" қандай кучга эга эканлиги ва футболчиларда ғолиблик руҳини ошириш. Яъни футболчилар "FIFA17"да ўзаро ўйнаганларида ҳам фақат "Лейпциг" билан ғалаба қозонишга ўрганишлари лозим.

Эслатиб ўтамиз, "Лейпциг" жамоаси бундеслигада 9-турдан сўнг 21 очко тўплаган ҳолда 2-ўринда боришмоқда. Германия чемпионати дебютанти ҳали мағлубият нималигини билмай келмоқда.

Тан олиш керак, "Лейпциг"нинг бу фалсафаси ҳозирча ўз фойдасини бермоқда.

P.S. "FIFA17"да қўрқмасдан "РБ Лейциг" жамоасини танлаб ўйнайверинг. Буни шахсан ўзим (муаллиф: Ш.Б) ҳам амалда кўп қўллаганман ва "Лейпциг" уялтириб қўйгани йўқ.

"Лейпциг" ҳаётда ҳам, "FIFA17"да ҳам ўзгача сеҳрли жамоа экан. Ҳа айтганча, "Лейпциг"ни танлаганда ҳужум чизиғида Поулсен ва Забитцер тандемини қўйишни унутманг:)

Ҳавола :

Манба : championat.asia

Янгиликларни Телеграмда ўқинг!

Рейтинг: +17