"Бетис" икки карра Чемпионлар лигаси соҳибини ортга қайтарди
25 июл 2023 17:50
Янгиликлар

"Бетис" икки карра Чемпионлар лигаси соҳибини ортга қайтарди

"Бетис" клуби расмий сайтида ҳимоячи Марк Бартра билан шартнома имзолаганини эълон қилди.

Томонлар бир мавсумга мўлжалланган шартнома имзолашди. Испан клуби футболчини эркин агент сифатида қўшиб олди. Марк "Трабзонспор"ни тарк этди.

Бартра "Барселона" билан биргаликда беш карра Испания чемпиони ва икки карра Чемпионлар лигаси ғолиби бўлган. "Бетис" таркибида эса 2018 йилдан 2022 йилгача ўйнаган.

32 ёшли марказий ҳимоячи ўтган мавсум барча турнирларда 40 та ўйин ўтказиб, 4 та гол урли ва 1 та голли узатмани амалга оширди.