Беллингем: "Реал" - энг яхши ўйинчиларга эга йирик клуб"

Ярим ҳимоячи "Манчестер Юнайтед"га қарши ўртоқлик ўйинида (2:0) гол урди ва 45 дақиқа тўп тепди. Бунгача у "Милан" билан баҳсда (3:2) 64 дақиқа ҳаракат қилган эди.

"Роҳатланяпман. Ҳозирча ҳаммаси зўр. Бу жамоадаги ўйинимдан мазза қиляпман, буюклардан ўрганяпман.

Янги мавсумда "Реал"ни катта чақирувлар кутиб турибди. Биз кўп нарсани мақсад қилишимиз мумкин. "Реал" - энг яхши футболчиларга эга йирик клуб.

Машғулотларда ҳамма бор кучини бераётгани ёқяпти. Ҳар куни йигитлар ишга тўғри муносабатда бўлишмоқда. "Реал"га кетаётганимда шубҳа қилмаганман, чунки бу клубда қандай футболчилар ўйнашини яхши билардим. Жамоага деярли киришиб кетдим деб ўйлайман.

Жамоамдаги ўз вазифамдан роҳат оляпман. "Милан"га қарши муносиб ўйин ўтказдим, "Манчестер Юнайтед" билан ҳам шундай. Шу ритм билан мавсумни бошлаб олмоқчиман" - дейди Беллингем.