Эшитдик-да! Бекободда совуқ шамол эсмоқда ёхуд "Металлург"нинг кейинги тақдири қандай кечади?
02 ноя 2024 14:06
Янгиликлар

Эшитдик-да! Бекободда совуқ шамол эсмоқда ёхуд "Металлург"нинг кейинги тақдири қандай кечади?

Бекободнинг "Металлург" клуби бу йил Суперлигадан Про лигага тушиб кетиш учун асосий номзод бўлиб турибди.

Бекободдан етиб келган маълумотларга кўра, "Металлург" академиясининг бир қатор ишчилари ишдан бўшатилган. Тез орада асосий жамоада ҳам ўзгаришлар кузатилиши эҳтимоли йўқ эмас, чунки жамоанинг салбий натижалари раҳбарият ва мухлисларни қаттиқ ранжитмоқда.

Аввалроқ "Металлург" клуби ҳомийси саналган "Ўзметкомбинат" АЖда кадрлар алмашинуви юзага келиб, Инвестициялар вазирининг собиқ ўринбосари Дилшод Ахмедов Комбинат Бошқаруви раиси – бош директори лавозимига тайинланганди.

Бекобод аҳлига бевосита алоқадор хушхабарга кўра, янги раҳбарият "Ўзметкомбинат"нинг 80 йиллик юбилей байрами муносабати билан комбинатда фаолият юритаётган ҳар бир ходимга 2 млн сўмдан 3,5 млн сўмгача бир марталик мукофот пули тўлаган.