Бахтиёр Қосимов ОКМКда ўйнаши мумкинми?

Футболчи айни дамда ОКМК машғулотларида иштирок этмоқда. Хўш, Ўзбекистонда трансферлар ойнаси ёпиқ бўлса-да, у олмалиқликлар билан шартнома имзолаши мумкинми?

Бахтиёр Қосимов Ўзбекистондаги трансферлар ойнаси очиқлигида эркин агентга айланганди. Регламентга мувофиқ трансферлар ойнаси ёпиқлигида эркин агентга айланган ўзбек футболчиси ўзбек клубига ўта олмайди. Ўз навбатида Бахтиёр Қосимов учун ФИФАдан ТМС шартномаси, яъни, унинг ушбу жамоа таркибида халқаро ўйинларда иштирок этиши учун рухсатнома берилди. Эндиликда у ОКМК таркибида ОЧЛ ўйинларида иштирок этиши мумкин бўлади. Бироқ унинг Суперлига ўйинларида иштирок этиш-этмаслигини ЎзПФЛ ҳал қилади. 

Регламент бўйича Бахтиёр Қосимовда ОКМК таркибида Суперлигада ўйнаш имконияти бор. Бироқ ҳозирча ПФЛ бу борада рухсат бергани йўқ. Аммо яқин вақтларда унга "йўл очилиши" мумкин. Чунки ФИФА томонидан ОЧЛда ўйнашига рухсат берилган футболчининг Суперлигада ўйнашига ЎзПФЛ томонидан тақиқ қўйилиши мантиққа ҳам, регламентга ҳам зид. Агарда Бахтиёр Қосимов ОКМК билан шартнома имзолайдиган бўлса, у нафақат ОЧЛда, балки, Суперлигада ҳам ўйнаши керак. Шу сабабли ЎзПФЛ ҳам ОКМКга бу борада ёрдам бериши энг яхши йўл ҳисобланади.