“Бавария” ЕЧЛда зафар қучса, “Барселона” “Ливерпуль”га 5 млн евро ўтказиб беради

Манбага кўра, “Бавария” Чемпионлар Лигасининг жорий мавсумида зафар қучса, “Барселона” Филиппе Коутиньонинг собиқ клуби “Ливерпуль”га 5 млн евро ўтказиб беришига тўғри келади.

Бу Коутиньо билан имзоланган шартномадаги бандда кўрсатилган. Агарда бразилиялик футболчи 2018/19 ёки 2019/20 йилги мавсумда ЕЧЛ титулини қўлга киритса, инглиз клуби бонус суммани олиш ҳуқуқига эга бўлади. Филиппе қайси жамоада бўлишининг эса аҳамияти йўқ.

Эслатиб ўтамиз, “Барса” Коутиньони мюнхенликларга ижарага берганди. У кеча ўтган ЕЧЛ 1/4 босқичи доирасидаги учрашувда (8:2) “кўканорранглилар” дарвозасини икки бор ишғол этиш билан бирга битта голга ҳаммуаллифлик қилди.