Юлиан Нагельсманн шогирдлари "Интер"ни сафарда 2:0 ҳисобида таслим қилишди. Мюнхен клуби 19 йилдан буён ушбу мусобақанинг 1-турида ғалаба қозонмоқда. Бундан ташқари 17 бор жамоа илк турда гол ҳам ўтказмаган.
"Бавария" гуруҳ босқичидаги мағлубиятсиз сериясини ҳам узайтирди. Сўнгги бор 2017 йилда ПСЖ 2-тур доирасида Мюнхен клубини таслим қилганди. Шундан кейин немис клуби гуруҳ босқичида 26та ғалаба ва 3та дуранг қайд этди. Мана шу 29та ўйиннинг барчасида "Бавария" камида биттадан гол урган.
