Бархуан: "Жароҳатланганлар кўплиги туфайли "Барселона" ёш болаларни ўйнатишига тўғри келяпти"

"Бизда жароҳатланганлар талайгина, бундай ҳолатда ишлаш мушкул. Ҳамма тикланганда, жамоамиз янада кўпроғига эриша олади. Таркибимизга назар ташласангиз, ёш болаларни майдонга тушираётганимизнинг гувоҳига айланасиз. Кўп ўйинчилар етишмовчилиги билан муваффақиятга эришиши қийин. Барча сафда бўлса, машғулотлар ҳам яхши кечади, яхши рақобат бўлади, ҳамма ўйнашни истайди. Бироқ бизда ҳозир бу билан боғлиқ муаммолар бор. 

Жароҳат билан боғлиқ вазият мени шунчаки нобуд қилмоқда. Айни пайтда ғалати ҳолатдамиз ва хоҳлардикки, бунақаси бошқа такрорланмасин. Бу билан ўзимни оқлаш ниятида эмасман, аммо бу чиндан муҳим роль ўйнайди", – деди Серхи Бархуан.