"Барселона" собиқ футболчисини клубга қайтармоқчи

Клубнинг собиқ футболчиси Боян Кркич клубда лавозимга эга бўлади. 

Кейинги ҳафта "Барселона" спорт менеджментининг Деку бошлиқ якуний ташкилий тузилмаси тақдим этилади. 

Хабарларга кўра, жамоанинг собиқ форварди Боян Кркич ҳам унда ўз лавозимига эга бўлади. Испаниялик зиммасига клубнинг бошқа жамоаларда ижарадаги футболчиларини ҳамда академиядан катта футболга ўтадиган ёш футболчиларни кузатиб бориш топширалди.

Эслатиб ўтамиз, Кркич март ойида фаолиятини якунлаганди. Собиқ футболчи маълумоти бўйича спорт менеджери мутахассиси ҳисобланади.