"Барселона" посбони: "Жамоанинг асосий дарвозабони бўлиш учун кўп ишлаяпман"
16 янв 2018 21:14
Янгиликлар

"Барселона" посбони: "Жамоанинг асосий дарвозабони бўлиш учун кўп ишлаяпман"

"Барселона" дарвозабони Яспер Силлессен Каталония клубига қандай мослашгани, бироқ Марк-Андре тер Штегеннинг ўринбосари эканлиги ҳақида гапирди.

"Испанчани анча яхши ўрганиб олдим, деярли ҳамма нарсани тушуняпман. Ҳафтасига икки марта испан тили дарсларига қатнаяпман.

"Барселона"да икки нафар тенг кучли дарвозабон бор? Бу ёқимли. Демак, ўз ишимни яхши уддалаётган эканман. Футболчи - жамоавий спорт тури, биз биргаликда чемпион бўлмоқчимиз. Бир киши ҳаммасига эриша олмайди.

"Барселона"нинг асосий посбони бўлиш учун тинимсиз ишлашда давом этяпман. Бу йил Марк - дунёнинг энг яхши посбонларидан бири ва мен асосийда ўйнашим керак десам, бу аҳмоқлик бўлади. Агар унинг савияси пасайса, мен кўпроқ майдонга тушишни истаб қоламан, бироқ ҳозир у кучли, буни тан оламан. Бироқ курашишда давом этаман" - дейди Силлессен.

Жорий мавсум 28 ёшли посбон "Барселона" сафида 5та учрашувда майдонга тушиб, 1та гол ўтказиб юборди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +31