Барселона муҳим "жанг"да ютиб чиқди
23 мар 22:32
Янгиликлар

Барселона муҳим "жанг"да ютиб чиқди

"Барселона" "Камп Ноу" стадионини кечаю кундуз қуриш учун шаҳар аҳолиси ва ҳокимиятининг розилигини олишга муваффақ бўлди.

Кейинги 15 кун давомида қурилиш ишлари сутка давомида олиб борилади, шу жумладан, шанба кунлари соат 10:00 дан 20:00 гача. Илгари тунда фақат шовқинсиз ишлар бажарилишига рухсат берилган бўлса, энди барча чекловлар бекор қилинди.

"Cadena SER" маълумотларига кўра, бу давр синов муддати ҳисобланади. Агар клуб аҳоли билан тузилган келишувнинг барча шартларини бажарса, рухсатнома узайтирилиши мумкин. Бу қурилиш жараёнини тезлаштиради, айниқса, VIP-зона ва ўриндиқлар ўрнатилиши бошланган стадионнинг ички қисмларида.

"Барса" ушбу мавсум "Камп Ноу"га қайтмаса-да, иккинчи кампанияни Луис Компанис номидаги стадионда якунлайди. Клуб келгуси мавсум бошида сафарда ўйнашни олдиндан сўраган, чунки стадионни фойдаланишга топшириш муддати бир неча бор кечиктирилган.

Ҳавола :

Манба : Cadena SER

Янгиликларни Телеграмда ўқинг!

Рейтинг: +5