"Барселона" "Эл Класико" учун тайёрланган махсус либосини намойиш этди
20 окт 2023 11:01
Янгиликлар

"Барселона" "Эл Класико" учун тайёрланган махсус либосини намойиш этди

"Барселона" клуби Испания Ла лигасининг 11-турида азалий рақиби "Реал"га қарши ўтказиладиган "Эл Класико" учун тайёрланган махсус формани тақдим этди.

Каталонияликлар “Rolling Stones” мусиқий гуруҳи логотипи туширилган формада майдонга тушади.

"Барселона" ва "Spotify" компанияси ўртасидаги ҳамкорлик доирасида мусиқа гуруҳининг логотиплари билан "Эл Класико"да иштирок этиш имконияти бўйича келишувга эришилди. 20 октябрь куни "Rolling Stones"нинг "Hackneys Diamonds" албоми чиқади. Бу гуруҳнинг 18 йил ичида чиқарган биринчи албоми ҳисобланади.

Эслатиб ўтамиз, “Барселона” – “Реал” ўйини 28 октябрь куни бўлиб ўтади.