"Барселона" бюрофакс орқали яна бир хат олди. Буниси кимдан?

Хабар Каталония жамоаси собиқ мураббийи Кике Сетьеннинг юристлари томонидан юборилган. Улар "Барселона"дан Сетьен ва клуб ўртасидаги ҳамкорликни бекор қилишни қонуний равишда расмийлаштиришни сўрашган.

Айни дамда на Сетьен, на ёрдамчилари ўзлари учун жамоа излай олишмайди, сабаби истеъфо ҳақида расмий хабар бўлмаган.

Қайд этиш керакки, "Барселона" ҳам мураббий вакилларининг илтимосини қабул қилиб, "ўз вақтида ва тартибда" жавоб беришмоқчи.

Сетьен ва унинг штаби шартнома бекор қилиниши сабаб компенсация тўлашни талаб қилишмоқда. Аммо бу ҳали содир бўлмади.