"Барса" класикода Дрейкнинг бренди туширилган либосларда ўйнайди. Бу Spotify'нинг ғояси

"Барса"нинг титул ҳомийси бўлган Spotify класикога қизиқарли юриш тайёрлади. Каталонияликларнинг либосларидаги стриминг платформа номи ёзуви ўрнига канадалик репер Дрейкнинг OVO кийим бренди логотипи жойлаштирилади.

Нега айнан Дрейк? Барчаси оддий: канадалик Spotify'да 50 миллиард марта қўшиқлари эшитилган биринчи ижодкор бўлди.

Дрейкнинг қанақа бренди бор?

OVO – бу Дрейк ва унинг дўстлари Ной Шебиб (продюсер, канадаликнинг хитларини яратишга масъул) ва Оливер Ал Хатиб асос солган бутун бошли экотизим.

OVO – Дрейк қўшиқларида ишлатадиган October's Very Own'нинг қисқартмаси. Октябрь (Дрейкнинг туғилган ойи) – рэпер ва унинг атрофидаги инсонлар учун ўзгача пайт.

OVO'нинг асосий йўналиши – қўшиқ. Дрейк, Шебиб ва Ал Хатиб 2012 йилда хип-хоп ижрочилар, масалан PARTYNEXTDOOR, Majid Jordan, Roy Woods ва dvsn кабиларни ўзида жамлаган OVO Sound лейблини яратишди.

Дрейк шериклари билан OVO Sound ташкил этилишидан бир йил олдин бойқушнинг логотипи туширилган OVO Clothing кийимлар брендини ишга туширишди. Бренд Air Jordan ва Canada Goose, шунингдек "Торонто Рэпторс" баскетбол клуби билан ҳамкорлик қилди.

Коллекциялардан бирининг рекламасида ҳатто NHL'нинг тирик афсонаси Уэйн Гретцки ҳам иштирок этди.

Дрейк – спорт мухлиси. Барча топ футбол клубларининг либосини кийган ва "Рэпторс"га мухлислик қилади

Дрейкнинг ҳаёти спорт билан чамбарчас боғлиқ. Эҳтимол сиз канадаликнинг турли футбол клублари атрибутикалари билан тушган миллионталаб расмларини кўргандирсиз, шу сабаб унинг кўплаб глор деб айтайди.

"Жин урсин, мен шунчаки спортни севаман! Турли жамоаларда дўстларим бор. Улардан ғурурланаман. Мени диққат билан кузатишни бас қилинг", – деб жавоб қайтарганди Дрейк 2012 йилдаёқ.

Рэпер футболга совуққон муносабатда бўлади, унинг асосий эҳтироси – баскетбол. Дрейк ўзининг Торонто шаҳри жамоаси бўлмиш "Рэпторс"га жуда ҳам қаттиқ мухлислик қилади ва НБА юлдузлари бўлмиш Стеф Карри ва Кевин Дюрэнт билан яқиндан алоқа қилади.

"Дрейк – Spotify'да 50 миллиард марта қўшиқлари эшитилган биринчи ижодкор. "Барселона" ФК либосида пайдо бўлган биринчи ижрочи", – деб ёзди Каталония клуби матбуот хизмати.

Бугунги Эл Класикода унинг брендини "Барса" ўйинчилари либосларида намойиш этишади.

Алишер Остонов таржимаси