Баҳром ҲАКИМОВ ("Динамо" бош мураббийи): - Мезбонларни ҳаққоний ғалаба билан табриклайман. Биринчи гол ўйинимизни синдирди. Қисқа вақт ичида икки тўп ўтказиб юбордик. Бунгача дарвозада Худоёров туриб келаётганди. Машғулотда кичик жароҳат олгани сабабли бугун Мельничукни майдонга туширдим. Биринчи голгача ёмон ҳаракат қилмадик. Бу ерга очко олиш мақсадида келгандик. Лекин "Пахтакор"дек шаклланган жамоага қарши ўйнаш осон эмас. Йигитлар биринчи голдан сўнг руҳан синиб қолишяпти. Йирик ҳисобда мағлубиятга учрадик, бироқ шогирдим мени доғда қолдирди. Мен шогирдларимнинг яхши ишлаётганидан қувонаман.
