Футболчи бир неча кундан буён Жанубий Кореяда бўлиб турганди. Клуб ўртоқлик учрашуви ўтказиб 4:0 ҳисобида ғалаба қозонди. Иккита голга муаллифлик қилган Насимов бугун 2 йиллик шартномага имзо чекди. Бу ҳақда футболчининг ўзи сайтимизга маълум қилди.
Насимов якунланган мавсумда "Бунёдкор" сафида 26та ўйинда майдонга тушиб 8та гол урди. Ҳужумчи фаолияти давомида Самарқанднинг "Динамо", Қозоннинг "Рубин", Бокунинг "Нефтчи", Эроннинг "Падидеҳ" клублари шарафини ҳимоя қилган.
Маълумот учун, "Ansan Greeners" клуби Жанубий Кореянинг биринчи дивизионида иштирок этади.
