Азиз Ибрагимов: "3 та гол ўтказиб юбориш ҳимоядаги муаммони очиб берди, КХДР билан ҳам осон бўлмайди"
15 ноя 2024 19:21
Янгиликлар

Азиз Ибрагимов: "3 та гол ўтказиб юбориш ҳимоядаги муаммони очиб берди, КХДР билан ҳам осон бўлмайди"

Ўзбекистон терма жамоаси собиқ футболчиси Азиз Ибрагимов Қатар билан ўйиндан сўнг (3:2) фикрлари билан ўртоқлашди.

"Ўйинга келадиган бўлсак, ҳимоядаги хатоларимиз кўриниб қолди. 3 та гол ўтказиб юбориш бундан далолат беради. Футболда "мелочь" деган нарса йўқ. Шомуродовнинг жароҳати ҳам таъсир қилди деб ўйлайман. Қатар учун бу охирги имконият эди. Ғалаба орқали имкониятини кўтариб олди. Ижобий томони шуки, 0:2 ҳисобидан чиқиб кета олишди. Камбэк бўлиши мумкин эди. Охирги дақиқаларда диққат етишмади. Олдинда КХДР билан осон ўйин бўлмайди. Улар ҳам Эрон билан ўйинда 0:3 ҳисобидан чиқиб кетишга ҳаракат қилди. Яхши тайёргарлик талаб этилади.

Фикримча, ҳозир мураббий алмаштиришни яхши қарор деб ўйламайман. Футболчилар ҳам қандайдир масъулиятни зиммасига олиши керак", – дейди Азиз Ибрагимов.

Ҳавола :

Манба : Championat.asia

Янгиликларни Телеграмда ўқинг!

Рейтинг: +8