Осиё Чемпионлар Лигаси жорий мавсумида гуруҳ босқичининг энг яхши футболчиларидан бири бўлган Азиз Ғаниев "Шабаб Ал Аҳли" сафида БАА чемпионати стартидаги 3 баҳснинг барчасида қатнашди.
24 ёшли хавбек 3-турдаги фаоллиги эвазига БАА оммавий ахборот воситалари томонидан эътироф қилиниб, тур рамзий терма жамоасидан ўрин эгаллади.
Маълумот учун, Ғаниев жамоаси ҳозирда турнир жадвалида 6 очко билан кучли тўртликда бормоқда.
Бундан ташқари, Азиз ОЧЛда ҳам фаоллиги билан ажралиб турибди – у 5 ўйинда 3 та гол урди ва жамоасининг кейинги босқичга чиқиши учун катта ҳисса қўшди.
