"Ўйлайманки, ўйин мухлисларга манзур келди. Биз учун албатта қийин бўлди, дея оламан. Чунки "Динамо" Про лиганинг етакчиларидан бири саналади. Суперлига йўлланмаси учун курашмоқда. Улар ҳам таркиб, ҳам ўйин бўйича кучли эди. Рақибни ғалаба билан табриклайман. Ўз шогирдларимга эса охиргача курашишгани учун раҳмат айтаман. Биринчи бўлиб гол урганимизга қарамасдан ҳимоядаги хатоларимиз панд бериб қўйди. Биринчи бўлим ёмон ўтмади. Агарда вазиятлардан фойдалана олганимизда мағлубиятга учрамас эдик.
Ушбу учрашувдан олдин таркибимизда йўқотишлар бор эди. Нодир Йўлдошев, Улуғбек Худойбердиев жароҳат олди. Шунингдек Илҳом Алижонов, Абдумалик Абдуллаевларни хизматидан фойдалана олмадик. Бу албатта ўйин сифатига ўз таъсирини ўтказди. Шуни айтишим керакки, ҳимоя чизиғимизда тўп тепган футболчилар дебютини ўтказди. Уларга тажриба етишмади.
Ҳакамлик ёмон ўтмади. Жиддий хато кўрмадим",- дейди Азамат Абдураимов.
