"Бунёдкор" жамоасини ғалаба билан табриклаймиз, кейинги ўйинларда омад тилаймиз. Ўйинга тўхталсам, рақибга қўлимиздан келганича қаршилик кўрсатишга ҳаракат қилдик. Барибир тажриба ўз сўзини айтди. Бугун илк бўлимда ўйин амалиёти кам бўлган йигитларга имконият бердик. Иккинчи бўлимда ротация қилдик. "Бунёдкор" ўрнимиз ва даражамизни кўрсатиб қўйди. Уларда Суперлигада ўйнайдиган футболчилар бор. Шогирдларим ёмон ўйин кўрсатди дея олмайман. Вазиятларимиз ҳам бўлди. Таркибимизда биринчи марта Про лигада ўйнаётганлар бор. Энди ўсишга ҳаракат қиляпмиз. Қолаверса, хатоларимиз кузатилди. Хатоларни кўриб чиқамиз ва "Шўртан" билан ўйинга тайёргарлик кўрамиз", — дейди Айбек Нурбаев.
— Ўзбекистон Кубоги гуруҳ босқичида турли хил жамоалар қатнашди. Уларда мақсад ҳам фарқли. Бу омил ҳам футболчилар ҳаракатига таъсир қилдими?
— Шу ўйинлар орқали тажрибамизни тўплаб борамиз. Бу форматни қўллайман, чунки ҳаммада қатнашиш учун имкон бўлди.
— Абдусалом Нуриддинов "Жайхун" таркибида кашфиёт футболчи бўлиб турибди. Унинг ўйинларига қандай баҳо берасиз?
— Абдусалом яхши футболчи. Очиғи, барча футболчиларни Биринчи лигадан, қишлоқлардан топаман. Абдусаломни ҳаэ шундай топдик. У кўзи ёниб турганди. Кузатиб таклиф қилдик. Бугун унга дам беришга қарор қилдик.
— Футболчиларда бугун кўзи ёнмади. Бу ҳолатга нима дея оласиз?
— Айтганимдек, кам тўп тепаётган футболчиларни туширдик. Айримларида стадионга келгандаёқ ҳаяжон кузатилди, хато қилишдан қўрқишни ўйлашди.
