Австралия терма жамоаси таркибида йўқотиш

Австралия терма жамоаси ҳужумчиси Митчелл Дюк Ўзбекистон терма жамоасига қарши кечадиган учрашувни ўтказиб юборади. Сайтимизга етиб келган маълумотларга кўра "Соккеруз" аъзоси сон қисмидан олган жароҳати сабабли терма жамоамизга қарши ўйинда иштирок эта олмайди.

Маълумот ўрнида, Митчелл Дюк марказий ҳужумчи позициясида ўйнайди ва Сурия ҳамда Ҳиндистон терма жамоаларига қарши кечган учрашувларда асосий таркибда майдонга тушган эди.