Асрор Алиқулов: "Қўқон-1912"га қарши дуранг унчалик ҳам ёмон натижа эмас"
08 окт 2024 21:03
Янгиликлар

Асрор Алиқулов: "Қўқон-1912"га қарши дуранг унчалик ҳам ёмон натижа эмас"

Теглар : "Қўқон-1912"Қўқон-1912 Про лига

Бугун Про лиганинг 22-туридан ўрин олган "Қўқон-1912" ва "Машъал" жамоалари ўртасидаги ўйиндан кейин меҳмонлар бош мураббийи Асрор Алиқулов ўйин ҳақидаги фикрлари билан ўртоқлашди.

- Ўйин ҳақида

- Қўқонликларни ўрганиб чиққандик. Бугунги асосий мақсадимиз ғалаба қозониш эди. "Қўқон-1912" жамоасига қарши ўйинлардаги натижамиз унчалик ҳам яхши эмас. "Қўқон-1912" бугун қарши ҳужумларга таяниши тахмин қилинганди. Камроқ тўп йўқотишни режалаштиргандик. Аммо барибир гол қўйиб юбордик. Иккинчи бўлимда керакли кўрсатмаларни бердик.Ўйлайманки, иккинчи таймда йигитлар борларини беришди. Ўйин охирига яқин гол уришни уддаладик. Охирги секундларга қадар кимдир ғалабани илиб кетиши мумкин эди. "Қўқон-1912"га қарши дуранг унчалик ҳам ёмон натижа эмас.

- Иккинчи бўлимда Нурмуҳаммад Тошпўлатовни майдонга туширдингиз, аммо 20 дақиқа ўтмасдан у яна захирага олинди. Бунга нима сабаб бўлди?

- Нурмуҳаммад Тошпўлатов жамоага олинганда унда жароҳат бор эди. Машғулотларда у ўсишга эришди, жароҳатини тиклади. Лекин Нурмуҳаммад бугунги ўйиннинг шижоати, темпига бироз киришиб кета олмади. Бизга гол керак эди. Шу сабабли тактик ўзгаришга қўл урдик.

Ҳавола :

Манба : championat.asia

Янгиликларни Телеграмда ўқинг!

Рейтинг: -1