"Бу ўйинга тайёргарлик кўриш жараёнида футболчиларга эркин ўйнашларини, босимсиз ҳаракат қилишларини, шу билан бирга секин ўйнасак, бизга қийин бўлишини уқтиргандик. Савиядаги фарқ сезиларли даражада эди. Айрим футболчиларимиз бугун дебют қилишди. Умуман олганда, майдонга тушган ўйинчиларимизнинг ҳаракатидан қониқиш ҳосил қилдим. Хатолар бўлди, лекин курашувчанлик томондан жамоа ўзини яхши томонлама кўрсатди деб ўйлайман.
Шокир Йўлдошевда чарчоқ аломатлари сезилгани учун алмаштирдим, у ҳимояга ёрдамга қайтишда ҳам қийинчиликка учради ва бир нечта хатоларга ҳам йўл қўйди.
Эндиликда жамоамиз таътилга йўл олади. Қачон йиғилишимиз, олдимизга қўйиладиган мақсад ҳали маълум эмас
Жамоада қоламанми? Шартномам йил сўнгигача мўлжалланган, таътилдан қайтганимиздан кейин уёғи ҳал бўлади. Менга Суперлига клубидан ҳам таклиф бор, қайси жамоа эканлигини эса ҳозирча айтолмайман", - дейди Алиқулов.
