UZ

Сўнгги янгиликлар

01:40"Барселона" ҳужумчиси 25 млн евро эвазига сотиши мумкин  0 01:08Вараннинг янги клуби маълум  0 00:35Альваро Моратанинг янги клуби маълум  3 00:04"Арсенал" ўйинчиси "Лацио"га ўтди  0 23:39Мата Англия ва Испания терма жамоаларининг умумий таркибига бирорта инглиз ўйинчисини қўшмади  5 23:06"Тоттенхэм" форварди АЗга йўл олди  0 22:37"Барселона"да Фликка кимлар ёрдам беради?  3 22:16Эшитдик-да! Абдулла Абдуллаев қайси клубга ўтиши маълум  14 21:58Блан Саудия Арабистонида қанча маош олади?  3 21:23"Бавария" ПСЖ хавбекига қизиқмоқда  0 20:54"Реал" Де Хеа билан шартнома имзолаши мумкин  6 20:30МЮ ўйинчисини 10 млн евро эвазига "Вильярреал"га сотди  2 20:05Иммобиле "Лацио"дан "Бешиктош"га ўтди ва йилига 6 млн евро маош олади  0 19:43ПСЖ собиқ устози "Ал Иттиҳод" бош мураббийи сифатида таништирилди  3 19:28Месси Америка Кубоги ҳақида: "Сўнгги финаллар олдидан қарта ўйнаб, кеч ухлаганмиз"  9

Артём Петросян: «Таркибимизда ўйинни ўз қўлига оладиган етакчи бўлишини истаган бўлардим» Янгиликлар

Артём Петросян: «Таркибимизда ўйинни ўз қўлига оладиган етакчи бўлишини истаган бўлардим»

«Динамо» – «Андижон» (1:1) ўртасидаги учрашувдан кейин жамоамиз ёрдамчи мураббийи Артём Петросян матбуот анжуманида қатнашди.

- Бугун ҳужумкор ва ажойиб ўйин гувоҳи бўлдик. Мухлисларимизни хафа қилишни истамагандик. Узоқ масофадан йўл босиб келган ишқибозларимизга алоҳида раҳмат. Шунингдек, футболчиларимиздан ҳам миннатдормиз. 1:0 ҳисобида ютқазаётганимизда ҳам қўлларини туширишмади. Мақсадимизга эришиб гол урдик. Тўғри, ютолмадик, аммо ғалаба қозонишни жуда ҳам истагандик. Самарқандликларни яна катта футбол қайтгани билан табриклайман. Мухлислар яхши муҳитни ташкил қилиб бердилар. Ўйин бошида бизга бироз қийин бўлди. Бир қатор муаммоларимиз борлиги сезилиб турди. Баҳсни назорат қилдик, олдинга ўтишда айрим қийинчиликлар бўлди. Ҳимояда ҳам муаммоларимиз кўриниб турди. Рақиб бизга қийинчиликлар туғдирди. Иккинчи бўлимда анча жисмоний куч сарфладик. Бир қатор вазиятларни ташкил қилдик. Рақиб дарвозаси олдида баъзида маҳорат етишмаяпти. Таркибимизда бир қатор иқтидорли ёшлар бор. Охирги зарбани берувчи футболчиларимизда аниқлик етишмай қоляпти. Ишлашда давом этамиз.

- «Андижон» бир неча турдан бери ғалаба қозона олмаяпти. Асосан қайси позицияларда муаммолар бор?

- Юқорида айтиб ўтдим, бизга тажриба етишмаяпти, буни тан оламиз. Иштиёқ жуда юқори. Афсуски, 5 та ўйиндан бери ғалаба қозона олмаяпмиз. Йигитлар жуда-жуда хоҳлашяпти, аммо имкони бўлмаяпти. Охирги ҳал қилувчи зарбани бериш учун чинакам маҳорат етишмай қоляпти. Таркибимизда ўйинни ўз қўлига оладиган етакчи бўлишини истаган бўлардим. Нима десам экан, жамоамиз ғалаба қозонишни ниҳоятда истаяпти. Бу каби муаммолар жаҳон миқёсида ҳам учраб туради. Менимча, жамоамизга ҳақиқий диспетчер етишмаяпти.

- Ўтган йили жамоа етакчисига айланган Рубин Хебайни қўйиб юбординглар. Сиз унинг кетганидан афсусдамисиз?

- Биз уни бошқа клубга сотдик. Иккинчи томони шундаки, ўзи ҳам бошқа жамоага кетишни хоҳлади, шуни ҳам ҳисобга олишимиз керак. Кетишни истаганидан сўнг мажбурлаб бўлмайди. Ўзбекистонда қолишни хоҳламади. Биламан, Хебай ўтган мавсумда бизга кўп очколар олишимизда ёрдам берган. Бунинг учун унга катта раҳмат. Футбол — бу жамоавий ўйин. Битта ўйинчига қараб жамоани шакллантиришни имкони йўқ

- Уни қайтариш масаласи кўриб чиқилмадими?

- Мен бу хусусида бирор нима дея олмайман. Раҳбарият билади.

- Андижонлик мухлислар жамоасини ажойиб тарзда олқишлайдилар. Вилоят ҳокими ҳам қўллаб-қувватлайди. Иқтисодий тарафдан муаммолар йўқми?

- Бизда жуда яхши мухлислар бор. Эътибор қаратган бўлсангиз, бизнинг фан-клубимиз нимани бошлаб берса, бошқалар худди шу нарсани давом эттиришяпти ва ўхшатишга ҳаракат қилишяпти. Андижон мухлислари фан-клублар ичида яққол етакчилик қилишяпти. Фанатларимизга алоҳида раҳмат. Улар янгидан-янги ғояларни амалга оширишяпти. Раҳбарият ҳам бизни қўллаб-қувватлаб келяпти. Жамоамиз бош ҳомийси «Узавтосаноат» ҳисобланади. Керакли даражада ҳомийлик ишларини бажармоқда. Шунингдек, вилоят ҳокими ҳам клубни қўллаб келмоқда.

- Элдор Адҳамов бугун асосий таркибда майдонга тушди ва бир қатор сейвларни бажарди. Бунгача бошланғич таркибда ўйнаган Игор Литовка захирада қолдирилди. Жамоада асосий посбон ким?

- Қизиқарли савол. Албатта, унинг ҳаракатлари ёмон чиқмади. Тинимсиз меҳнати билан асосий таркибга қўшилди. Литовка ҳам маҳоратли ва унга ҳам раҳмат. Адҳамовга имконият беришга ҳаракат қилдик. У юқори даражада ўйин ўтказди. Машғулотларда яна кузатиб борамиз. Кейинги учрашувда кимни майдонга туширишни мураббийлар штаби томонида ҳал қилинади.

- Ўтган турда «Қизилқум»га қарши ўйин анча хиссиётларга бой ўтганди ва қизил карточкалар кўрсатилган. Бу сафар ҳам жамоа футболчиси майдондан четлатилди…

- Ҳа, қизил карточкаларимиз пайдо бўляпти. Ҳакамлар ВАРга қараяпти ва шундан сўнг четлатишяпти. Ҳакамлар сўнгги қарорни чиқарадилар ва биздан кўра вазиятга яқинроқ турадилар. Ўша ҳолат ҳақида Ислом Маматказиндан сўраганимда тўпга ўйнагандим деган жавобни айтди. Ҳаммасини кўриб чиқамиз. «Қизилқум»га қарши ўйиндаги вазият эса бошқа эди. Тартиб-интизом қўмитаси ўша четлатишни бекор қилди. Ҳақиқат рўёбга чиққанидан хурсандмиз.

Рейтинг: +6   

Фикрлар

+1   
23 июн 10:29:58
Uz paxtakor Uz
Андижон мухлислари Узбекистонда номер один. Гап йук Андижон мухлисларига
   
23 июн 19:07:28
Azam M
Ким бу петросян а? Футболимизда яна битта арман пайдо бўлдими
   
23 июн 17:00:18
Ота макон
Бизнинг чемпионатда Евро да катнашаётган футболчи йукми?
   
23 июн 15:31:19
Фарход ФФ
Нимели керак хужумга
   
23 июн 14:20:46
Abdusalom Mirzayev
Қаердан топишади шу ян лар швилиларни
   
23 июн 14:00:46
Д.11.02.
СИЛВАНУС НИМЕЛИ ИШСИЗ ЮРИБТИ.
АНДИЖОНГА ЙЎҚ ДЕМАСА КЕРАК.КЎЗЛАРИ АЙТИБ ТУРИБТИ
   
23 июн 13:50:41
Muhammadjon andijon pfc
Uz paxtakor Uz фойдаланувчининг фикрига жавоб бериш
Андижон мухлислари Узбекистонда номер один. Гап йук Андижон мухлисларига
Katta raxmat. Soğ bòling. Shu jamoamiz ham sal yuqori òrinlarda bòlsa yanada zòr bòlardi.
   
23 июн 13:36:32
Odil Abdushukur
Oʻsha mashhur qiziqchi Yevgeniy Petrosyanni oʻzlarimi.. :))
   
23 июн 10:35:09
Бек 75
Кизик маълумот бу йил Андижон сафарда хали ютказгани йук ????
   
23 июн 09:53:18
Negmat Negmatov
Артём куп йиллар Динамо Самарканд 2-чи дарвозабони эди. .факат захирада эди
   
23 июн 09:08:52
Рахматилло Исманов
Навбатдаги турда водий дербиси! Таъсавур киляпман Бобур аренадаги аншлаг! Супер отмасфера гувохи булсак керак!
   
23 июн 09:07:38
Рахматилло Исманов
Андижон мухлислари Узбек футболини мухлисларини жонлантирди!
   
23 июн 09:06:54
Рахматилло Исманов
- Бизда жуда яхши мухлислар бор. Эътибор қаратган бўлсангиз, бизнинг фан-клубимиз нимани бошлаб берса, бошқалар худди шу нарсани давом эттиришяпти ва ўхшатишга ҳаракат қилишяпти. Андижон мухлислари фан-клублар ичида яққол етакчилик қилишяпти. Фанатларимизга алоҳида раҳмат. Улар янгидан-янги ғояларни амалга оширишяпти. ШУ ГАПЛАРИГА 100% КУШИЛАМАН!
championat.asia
< сўнгги янгиликларни кўриш
Яндекс.Метрика