Чорак финалнинг жавоб ўйинида "канонирлар" "Спортинг" билан дуранг (0:0) ўйнади ва ярим финалга чиқди.
Жамоалар ўртасидаги биринчи ўйин бир ҳафта олдин бўлиб ўтган ва лондонликлар минимал ҳисобда (1:0) ғалаба қозонган эди. Микел Артета шогирдлари турнирда жами 12 ўйинда 10 та ғалаба ва 2 та дуранг қайд этди (умумий босқични ҳам ҳисобга олганда).
Чемпионлар лигаси ярим финалида "Арсенал" "Атлетико" билан ўйнайди. Бир кун олдин "матрасчилар" икки ўйин якуни бўйича "Барселона"ни (2:0, 1:2) енгиб, ярим финалга чиққан эди.
