Улар жой олган кортежни кузатиш ва чемпионлик парадини нишонлаш учун Буэнос-Айресда 4 млн.га яқин мухлис йиғилди. Режага кўра, автобус пойтахт тимсоли ҳисобланган Обелискка келиши керак эди. Бироқ, одам кўплиги туфайли тиқилинч юзага келди ва йўналишни ўзгартириб, уни айланиб ўтишга тўғри келди. Аммо бу ҳам фойда бермади. Оқибатда футболчилар ва терма аъзоларини олиб кетиш учун мамлакат президентига мурожаат қилиниб, вертолёт чақиртирилди.
