АПЛда декабрь ойининг энг яхши мураббийи эълон қилинди
10 янв 18:13
Янгиликлар

АПЛда декабрь ойининг энг яхши мураббийи эълон қилинди

Англия Премьер-лигасида ўтган ойнинг энг яхши мураббийини аниқланди.

Мукофотни "Ноттингем Форест" устози Нуну Эшпириту Санту қўлга киритди. Бу португалиялик учун жорий мавсумдаги иккинчи шундай соврин ва Премьер-лигада бутун фаолиятидаги олтинчи совриндир.

"Ноттингем Форест" декабрда АПЛнинг 6 ўйинида 5 марта ғалаба қозонди ва 1 бор мағлуб бўлди. "Ўрмончилар" чемпионат жадвалида 3-ўринда бормоқда.

2024/25 йилги мавсум давомида АПЛда ойнинг энг яхши мураббийи соврини Фабиан Хюрцелер (август), Энцо Мареска (сентябрь), Нуну Эшпириту Санту (октябрь), Арне Слот (ноябрь) ва энди яна Нуну Эшпириту Сантуга насиб этди.

Ҳавола :

Манба : premierleague.com

Янгиликларни Телеграмда ўқинг!

Рейтинг: +4