Тажрибали ҳужумчининг фикрича, жамоадошларига имконият яратиш унга гол уришдан кўра кўпроқ завқ бағишлайди.
— "Менга дарвозабон билан яккама-якка вазиятга чиқишдан кўра, сифатли ассист бериш кўпроқ ёқади. Ўзимни кўпроқ бир ёки икки тегиниш билан ўйнайдиган футболчи деб ҳисоблайман.
Балки ўйиним у қадар эффектли кўринмас, лекин доимо жамоадошларим учун вазиятлар яратишга ва рақибларни кутилмаган қарорлар билан ҳайрон қолдиришга ҳаракат қиламан. Худди "Тоттенхэм"га қарши (ЕЧЛ 1/8 финали, 5:2) баҳсда бўлгани каби", — деди Гризманн.
