Анте Чачич: "Хорватияда узоқ танаффусдан сўнг ажойиб муҳит ҳукмронлик қилмоқда"

- Бу тўқнашув ҳаёт ё мамот ўйини. Плей-офф учрашувларига навбат етиб келди. Кейинги ҳафтада Португалия ёки Хорватия курашни давом эттириши мумкин. Ютқазган жамоа уйига равона бўлади.

Португалия истеъдодли ва тажрибали футболчилардан иборат жамоа. Улар гуруҳ босқичида кераклигича очко тўплай олишмагандир, аммо ўйин жиҳатидан жуда зўр кўринишди. Португалия аксарият ўйинларда тўлиқ ташаббус билан ҳаракат қилди ва бир қатор хавфли вазиятлар яратди.

Мен ҳозир кўрсатган натижаларимиз ва ўйинларимиздан тўлиқ қониқяпман, дея олмайман. Биз имкон қадар янада узоқроққа боришни истаймиз. Хорватияда айни пайтда узоқ танаффусдан сўнг ажойиб муҳит ҳукмронлик қилмоқда. Бутун мамлакат телевизор орқали футбол кўрмоқда. Биз эса финалга қадар бориб, уларни қувонтиришни истаймиз.