Учрашувда захирадан майдонга туширилган тожикистонлик ҳужумчи Шахром Самиев иккинчи голга муаллифлик қилди ва чемпионатимиздаги голлари ҳисобини очди. Футболчи «Андижон» матбуот хизматига ўз фикрларини айтиб ўтди.
- Шахром, «Локомотив»га қарши баҳс тўғрисида нима дея оласиз?
- Ўйин яхши ва эмоцияларга бой тарзда ўтди. Жамоадошларимга раҳмат, охиригача ҳисобни ушлаб туришди ва мухлисларга катта раҳмат. Улар энг зўри!
- «Андижон» сафидаги биринчи голингизни урдингиз. Ҳиссиётлар қандай?
- Ғалабадан жуда мамнунман. Жамоанинг ютуқларига ўз ҳиссамни қўшганимдан хурсандман ва бизда аҳил бир оила мужассам.
- Захирадан майдонга тушиб ўйинни кучайтиришда ҳисса қўшяпсиз ва гол уряпсиз. Сизни «яширин қурол» деб атасак бўладими?
- Нима десам экан, мен доим жамоага ёрдам беришга тайёрман. Асосий таркибдами ё захираданми, фарқи йўқ. Яширин қурол ҳақида ҳеч нарса дея олмайман (кулади).
- Голингизни кимга бағишладингиз?
- Голни бизни «зига зага», «олға «Андижон», деб қўллаб-қувватлаган мухлисларимизга бағишлайман.
