UZ

Сўнгги янгиликлар

23:39Винисиус янги шартнома бўйича "Реал"да Мбаппедан кўпроқ маош олишни истамоқда  1 23:35"Реал" Конатенинг трансфери бўйича "Ливерпуль" билан алоқага чиқди  0 22:45"Барса" Рэшфордни тўлиқ сотиб олиши учун қанча тўлаши кераклиги маълум. Футболчи маоши бироз камайишига рози бўлган  2 22:25"Нефтчи" ўртоқлик ўйинида Қирғистоннинг "Нефтчи" клубини ўта йирик ҳисобда ютди  6 22:01Мбемо "МЮ"да тиббий кўрикдан ўтди ва шартнома имзолади (Фабрицио Романо)  1 21:35Расман: Тома Табатадзе "Бухоро" клубига ўтди!  12 21:07"Динамо" Беларусда ўтказилган назорат ўйинида маҳаллий жамоага ютқазди  1 20:35АПЛнинг икки клуби Коло-Муани билан шартнома имзоламоқчи  0 20:15Расман: Жаҳонгир Абдусаломов "Динамо" футболчисига айланди  3 19:49Сауль "Атлетико" билан шартномани бекор қилиб, турк клубига ўтади  0 19:34МЮ Жексоннинг агенти билан музокара ўтказди  2 18:50Петар Шегрт: “Лёв билан бўлган суҳбатимиз ОАВда тарқалиб кетишини истамайман. ЎФАдан бўлган таклиф ҳақида сўрамайман. Тожикистондан кетганимга сабаб…”  10 18:26Диалло "МЮ" ҳақида: "АПЛда кучли бешликка кирсак, мавсумни омадли деб ҳисобласа бўлади"  2 17:49Расман: Улуғбек Ҳошимов – "Динамо" футболчиси  4 17:11Лапортнинг Европага қайтиш эҳтимоли юқори  0

"Андижон" ўртоқлик учрашувида Конференция лигаси иштирокчисига имкониятни бой берди Янгиликлар

"Андижон" ўртоқлик учрашувида Конференция лигаси иштирокчисига имкониятни бой берди

"Бургутлар" Анталия йиғини доирасидаги учинчи назорат учрашувини режадагидек Босния ва Герцеговинанинг "Борас Баня-Лука" жамоасига қарши ўтказди.

"Миракл" стадионидаги мазкур учрашув кутилганидек кескин ва муросасиз тарзда кечди. Бу сафарги рақиб анча жиддий бўлиб, ўтган йили Боснияда мамлакат чемпионлигини қўлга киритган ва ҳозирда мавсумнинг биринчи қисмидан кейин 2-ўринда бормоқда. Қолаверса, клуб Европа Конференция лигасида иштирокини давом эттирмоқда.

“Андижон” кучли рақибга муносиб қаршилик кўрсатди. Учрашувда Хомяков жамоаси тезкор гол уриши ҳам мумкин эди. Майдон марказидан узатилган ажойиб пасдан кейин ҳужумчи Ислам Машуков дарвозабон билан бирга-бир вазиятга чиқди. Бироқ Исламнинг зарбаси йўлига рақиб посбони тўғаноқ бўлган ҳолда жамоасини голдан сақлаб қолди.

Бўлим охирларида эса “Андижон” дарвозабони Элдор Адҳамов ҳам ўз сейвини намойиш қилган ҳолда рақибнинг хавфли зарбасини бартараф қилди. Иккинчи бўлимнинг 60-дақиқасида жамоамизда тўлиқ таркиб алмаштирилди. Учрашувдаги ягона гол эса 73-дақиқада боснияликлар томонидан киритилди.

Яна бир вазиятда эса Лука Ускокович дарвозамизга кириб кетаётган тўпни қайтариб юборди. Учрашув охирларида “Андижон”нинг босниялик легионери Мирзад Механовичда ҳисобни тенглаштириш учун жуда қулай имконият юзага келганди. Аммо унинг жарима майдони ичида йўллаган зарбаси дарвоза устунига тегиб қайтди.

Ушбу беллашув “Андижон” учун жуда  фойдали бўлди. Боиси, ўйин ритмида бўлиб турган рақибга жиддий қаршилик кўрсата олди", - дейилади клуб хабарида.

Эслатиб ўтамиз, "бургутлар"нинг навбатдаги ўйини 7 февралга белгиланган ва шу куни иккита рақибга қарши майдонга тушади.


"Андижон" – "Борас Баня-Лука" 0:1
2 февраль. Анталия. "Миракл" стадиони.
Гол
: Барт Мейжерс, 73 – 0:1.
Ҳакамлар: Турул Челик, Ахмед Айдинсой, Ибраҳим Ўздемир.
Огоҳлантиришлар: Шохжаҳон Ёрқинбоев – Сржан Граховас, Барт Мейжерс.

"Андижон": Элдор Адҳамов, Ислом Маматказин, Миомир Журичкович, Усмонали Исмоналиев, Олег Зотеев, Абдулвоҳид Ғуломов, Муҳаммадкарим Тоиров, Илҳом Абдуғаниев, Фарҳод Соҳибжонов, Бектемир Абдуманнонов, Ислам Машуков.
Иккинчи бўлимда майдонга тушганлар: Моҳир Комилов, Лука Ускокович, Абубакир Ашуров, Абдураҳмон Комилов, Сардор Азимов, Дониёр Абдуманнопов, Дамир Темиров, Искандар Шойқулов, Мирзад Механович, Шохжаҳон Ёрқинбоев, Шахром Самиев.

"Борас Баня-Лука": Филип Манойлович, Саво Шушич, Барт Мейжерс, Лука Зорич, Себастян Херера, Зоран Квершич, Сржан Граховас, Давид Вукович, Стефан Савич, Давид Чавич, Жорже Деспотович.


Фото: "Андижон" футбол клуби матбуот хизмати

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика