Ана холос, Амирлик футболчиси соч турмаги сабаб 272 доллар жаримага тортилди

Бунга сабаб футболчининг соч турмаги одатий эмаслигида. Тартиб-интизом қўмитаси буни қуйидагича изоҳлади: "Ҳассан Заҳраннинг соч турмаги умуман миллатимизга хос эмас. Биз араб кишиларимиз, шундай экан ўзимизга қараб юришни билишимиз керак. Бу футболчининг соч турмаги умуман этикага тўғри келмайди".

Ҳассан Заҳран сочи сабаб жарима тортилган биринчи футболчи эмас. Бунгача "Ал Айн"нинг бразилиялик легионери Кайо жарима тўлашга мажбур бўлганди. Кейинроқ "Ал Ваҳда" ҳужумчиси Мурод Батна ҳам жаримага тортилди. Аввалги йили Асамоа Гьян "ностандарт" соч турмаги сабаб пул тўлашига тўғри келганди.

Федерация баёнотида шундай дейилган: "Биз ўз маданият ва юриш-туришимиз билан ўрнак бўлишимиз керак. Бошнинг ярми кал, ярми соч билан юриш бизга тўғри келмайди. Футболчиларни майдонда ва телевизорда кўпчилик кўради. Уларга бундай соч турмаги билан юриш ярашмайди".