Ана бўлмаса! Журналистлар "Ливерпуль" - "Тоттенхэм" ўйинидаги ҳакамлар суҳбатини чоп этди

Унда тўрт нафар инсон иштирок этган.

Англияда "Ливерпуль" ва "Тоттенхэм" учрашувидан кейин катта жанжал давом этмоқда. Бош ҳакам Жонатан Мосс 87 дақиқада "қизиллар" дарвозасига пенальти белгилади. Унгача Мосс қанотдаги ёрдамчиси Эдвард Смарт билан маслаҳатлашди. Ўша суҳбатда Эмре Жан ва Кристиан Эриксен ҳам иштирок этишди.

Смарт: "Мен Ловрен тўпга тегдими ёки йўқми билишим керак".
Мосс: "Мен билмайман".
Смарт: "Агар у тўпга тегмаган бўлса, бу офсайд. Бу аниқ офсайд, агар тўп тегмаган бўлса".
Эриксен: "У аниқ тегди".
Жан: "Йўқ, у тўпга тегмади".
Мосс - Смартга: "Яна бир марта айт".
Смарт: "Мен нимани сўраётганимни тушундинг. Ловрен тўпга теккан ёки тегмаганини билиш керак. Агар ҳа бўлса, бу пенальти. Йўқ бўлса, бу офсайд".
Мосс: "Мен у тўпга теккан ёки тегмаганини умуман билмайман. Мартин (захирадаги ҳакамга мурожаат қилиб), сенда телевидениядан нимадир борми? Мен пенальти қўяман".

Эслатиб ўтамиз, ўша вазиятда Харри Кейннинг 11 метрдан тепган тўпини "Ливерпуль" кипери Лорис Кариус қайтарди. Бироқ, ҳакам томонидан қўшиб берилган сўнгги дақиқада Кейн барибир пенальтидан гол урди ва жамоасига бир очко олиб берди. Қизиғи, майдон эгалари дарвозасига белгиланган иккинчи пенальти ҳам шубҳали бўлди.

Англия Премьер-лигаси турнир жадвали >>>>> АПЛ