Чили терма жамоаси финалда Аргентинани пенальтилар сериясида мағлуб этиб кетма-кет иккинчи марта Америка кубогини қўлга киритди. Финал ўйинидан сўнг ташкилотчилар энг яхшиларни тақдирлашди.
Унга кўра "фейр плэй" соврини Аргентинага насиб этди. Мусобақада 6та гол урган чилилик Эдуардо Варгас "Олтин бутса" соҳибига айланди. Чили терма жамоаси посбони Клаудио Браво эса "Олтин қўлқоп"га эга бўлди.
Америка кубогининг энг яхши футболчиси сифатида Алексис Санчес тан олинди ва унга мусобақанинг "Олтин тўп"и тақдим этилди.
