Алишер Одилов: "Хато қилишга ҳаққимиз йўқ эди. Бугун бутун водий бирлашди"
22 ноя 2025 18:39
Янгиликлар

Алишер Одилов: "Хато қилишга ҳаққимиз йўқ эди. Бугун бутун водий бирлашди"

Суперлиганинг 29-туридан ўрин олган "Нефтчи" – "Қизилқум" (4:1) баҳсидан кейин дубль қайд этиб, чемпионликда катта ҳисса қўшган Алишер Одилов "Спорт ТВ" жонли эфирида бир қатор саволларга жавоб берди.

- Учрашув олдидан жамоа ичидаги вазият ҳақида нима дея оласиз? Чемпионликни қўлга киритиш бир қарашда осондек туюлади, аммо аслида ортиқча босимни юзага келтиради. Ичкаридаги атмосфера қанақа эди?

- Барча фарғоналикларни ғалаба билан табриклайман! Ички муҳит аъло даражада эди. Хато қилишга ҳаққимиз йўқ эди. Аллоҳга шукрки, 24 йил деганда чемпионликни тақдим этдик.

- "Тўй учун ҳаммасини бажаряпмиз, ишқилиб футболчилар ютиб берсин" деган гап-сўзлар бўлди. Бу футболчиларга босим юкламадими?

- Босим албатта бўлди. Тайёргарлик 2 кун олдин бошланиб кетганди. Тошкентдан усти очиқ автобус келтирилди. Босим жуда катта эди. Бугун бутун водий бирлашди. Ўйиндан олдин футболчилар боримизни беришга келишиб олгандик.

- Ҳисоб 4:1 лигини кўрганлар, "Нефтчи" осонгина ғалабага эришди деб ўйлайди. Аслида қанчалик қийин бўлди?

- "Қизилқум"дан жиддий қаршилик кутгандик. Бундай атмосферада тўп тепиш рақибга қийинчилик туғдирди деб ўйлайман.

- Мавсум бошида "Нефтчи"нинг натижалари унчалик яхши эмасди, лекин мавсум ўртасига келиб ҳолат яхшиланишни бошлади. Қачон бурилиш нуқтаси юзага келди?

- Аввало, ҳаммаси Аллоҳдан. Биринчи даврада омад етишмади деб ўйлайман. Иккинчи даврада ҳоким жамоага қаттиқ эътибор бера бошлади. Сабаб шунда деган фикрдаман.

Ҳавола :

Манба : Championat.asia

Янгиликларни Телеграмда ўқинг!

Рейтинг: +6