Александр Мочинов Ўзбекистон U-19 бош мураббийи бўлди
02 мар 2017 11:58
Янгиликлар

Александр Мочинов Ўзбекистон U-19 бош мураббийи бўлди

Теглар : Ўзбекистон U-19 Александр Мочинов

1999 йил ва ундан кейин туғилган футболчилардан иборат янги жамоа тузилди.

Ўзбекистон U-19 терма жамоаси 2018 йил бўлиб ўтадиган U-19 Осиё чемпионатига чиқиш учун кураш олиб боради. Ҳозирча қитъа биринчилиги қайси мамлакатда бўлиб ўтиши маълум эмас.

2017 йил 21 апрель куни мусобақанинг саралаш босқичига қуръа ташлаш маросими бўлиб ўтади. Ўзбекистон терма жамоаси ўтган мусобақадаги иштироки туфайли қуръа жараёнида биринчи саватчадан жой олади. Ушбу саватчада Ғарб минтақасида Саудия Арабистони, Ироқ, Эрон ва Баҳрайн жамоалари ҳам бор. Саралаш баҳслари Шарқ ва Ғарб минтақасига бўлинган ҳолда ўтказилади. Яъни саралаш баҳсларида Ўзбекистон Шарқий Осиё жамоалари билан тўқнаш келмайди.

Александр Мочинов ўз вақтида Ўзбекистон ўсмирлар терма жамоаси билан ишлаган. Мураббий ўтган йил бир муддат "Обод"ни бошқарди. Бу йилдан "Пахтакор" клубида иш бошлаганди.