Bu haqda euro-football.ru sayti xabar berdi.
Manba bergan xabarga ko'ra, 33 yoshli futbolchi klub bilan shartnoma shartlarini kelishib olgan va u 28-sentyabr, payshanba kuni Gretsiyaga yetib borishi kerak.
Zagoev 2023 yilning iyulidan buyon erkin agent hisoblanadi. Xavbek 2022/23 yilgi mavsum "Rubin" safida 20 ta o'yinda maydonga tushib, 3 ta gol urdi va 2 ta golli uzatmani amalga oshirdi.
"Lamiya" 6 ta uchrashuvda 6 ochko jamg'argan holda Gretsiya chempionati musobaqa jadvalida 9-o'rinda bormoqda. Ushbu jamoada 2010 yildan 2017 yilgacha Zagoev bilan SSKAda o'ynagan yarim himoyachi Zoran Toshich o'ynaydi.
Avvalroq Jaloliddin Masharipov Gretsiyaning "Panserraikos" jamoasiga o'tgan edi.
