Унинг қайд этишича, "Ал Қодисия" ўйин тақдирини биринчи бўлимдаёқ ҳал қилиши мумкин эди, бироқ жамоа дуранг билан кифояланиб, мусобақа жадвалидаги муҳим 2 очкони бой берди.
“Авваламбор, ташрифингиз, иштирокингиз ва ватанимиз вакилини қўллаб-қувватлаганингиз учун ташаккур билдираман. Келгуси ўйинларимиз янада яхшироқ бўлишига умид қиламиз.
3 очкони қўлга киритишни мақсад қилгандик, айниқса, ҳисобда олдинда бораётганимизда ўйин тақдирини биринчи бўлимдаёқ ҳал этиш имкониятимиз бор эди. Шунингдек, иккинчи бўлимда ҳам қулай вазиятларга эга бўлдик, аммо улардан фойдалана олмадик.
“Пахтакор” — Осиё Чемпионлар Лигасида катта тажрибага эга бўлган ва баҳснинг сўнгги сонияларигача курашадиган жамоа. Шунга қарамай, иккинчи голни уриб, ўйин масаласини узил-кесил ҳал қилишимиз керак эди.
2 очкони бой бердик деб бемалол айта оламиз. Аммо курашни қатъият билан давом эттирамиз, кейинги баҳсларда энг яхши ўйинимизни кўрсатишга ҳамда “Ал Қодисия” мухлисларини хурсанд қилишга интиламиз", – дея фикрини якунлади у.
